Of in goeie Afrikaans – Veels geluk!
Of dan byna.
Ons het uiteindelik vandag vooruitgang gemaak met my aansoek om verblyfsvergunning hier in België. Na ´n onnodige wag van 3 weke omdat ons die verkeerde inligting gekry het by die plaaslike distrikskantore. (O, en ek probeer die 3 maande vergeet wat ons vir die huweliksertifikaat uit SA gewag het… ) Toe my man vandag weereens bel om te hoor hoe ver dinge nou eintlik is, moes hy hoor dat ons moes teruggaan na die kantoor wat ons soontoe gestuur het.
Inderhaas is ons soontoe, en het toe ´n heel bekwame dame gehad wat ons gehelp het. Binne 2 weke kry ek ´n tydelike ID waarmee ek selfs mag werk soek! En oor 5 maande is die proses volledig afgehandel. Die owerhede het so lank om my aansoek te ondersoek, en indien ek niks van hulle hoor nie, is my aansoek goedgekeur en kry ek permanente verblyfsvergunning.
Dit voel of ´n berg van my skouers af is. En ek dink vir my wederhelf ook.
Lekker naweek!
Junie 3, 2009 at 11:36 vm
Hi daar dame!
As ek nie so depressief was om mee te begin vandag nie, het ek nou vir jou ‘n lang depro email gestuur, maar om voor die werk se pc te sit en tjank is nie ‘proper’ nie, jy weet!
Hoop dit gaan goed met jou daar ver, en dat jy die lelike mense met die groot neuse begin gewoond raak…
Mis jou, mis normaliteit (en ek het nie eens na ‘n land met mense met lelike neuse geemigreer nie!) en, ja wel… dis hoe dit is.
Hoop dit gaan goed!
Praat weer, bly jy’s terug op die ‘lug’, en hoop nogsteeds om eendag die troufotos te sien….
Junie 3, 2009 at 3:06 nm
Genade, vrou, ek hoop dis nie dodelik wat jy het nie…. Ek sit hierdie kant en ek wens Liefie het nie Nederlands gepraat nie. Die dekselse taal is moeilik en ek moet dit kan skryf voor ek my jare se ondervinding in Admin kan gebruik… Soos my “seun” sou sê met ´n opgetrekte neus:”Nie leuk!”